سلام عزیز بلاق چی لار
آللاهین قوناقلیق آیی ، اوروشلوق آیی نین گلیب یئتیشمه سینی بوتون موسلمان بلاق چی لارا تبریك دئییریك .
بو گون بلاق لارین 200 مئقا بایت لیق آپلود یئرینه 300 مئقا بایت آرتیریلدی .
ایندی هر بلاق اوچون 500 مئقا بایت یئر وئریله جك . ساغ اولون
هر زاددان قاباق بو اوزون یازییا گؤره عذر ایسته ییریك .
بیر ایل نئچه آی آرزوبلاقین آچیلماسین دان گئچیر . ائله بیر یاواش یاواش تورك بلاق چی لارینین یازی یازماغی بیر سیرا اینسان آدلانان كیم لری قورخویا سالیر !
سایتین 24 ساعات لیق باغلی اولماسینین دلیلی سایبر یوروش لری D-DOS اولماق اوچون ایمیش .
D-DOS ائله مك نئچه مین بیلگی سایاردان بیرلیكده و یالان یئره سروره درخواست گؤنده رمك دیر .
بو یوروش لرده بلاق چی لارین یازی لارینا و اؤزئل ایطلاعاتینا هئچ موشكول یارانماز .
بو یوروش لرین آماجی سایتی آغیرلادیب فیشار آلتیندا قویوب سورعتین آزالدیب و نهایت ده باغلاددیریب و یا سروری یاندیرماق دیر .
البته كی بلاق چی لارین یازی لاری و ایطلاعاتیندان گونده لیك بك آپ آلینیر و بونا گؤره ده هئچ بیر موشكول یوخدور .
آمما سؤز یئتیشیر بورا كی نئیه گرك بئله بیر ایش گؤروله ؟! ایستك لری نه دیر ؟! سروری نئچه ساعات لیق باغلادیب بلاق چی لاری بو ایشدن سوستالتماق ؟! سروری یاندیریب ، یوز لر بلاقچی نین زحمتینی هئچ ائله ییب ، سایتین باشقان لارینا ضرر وورماق ؟!
حال بوكی نه بلاقچی لار سوستالان دیرلار نه ده باشقان لار بو ایشدن ال چكن دیرلر .
ساغ اولون
سلام عزیز بلاق چی لار
باشقان لارین نئچه سی موزیلا دا كپی و پئیست دویمه سینین ایشله مه مه سیندن خبر وئریب لر . حال بوكی بو موشكول موزیلا براوزئریندن دیر و آرزوبلاق سیستمینده هئچ موشكول یوخدور .
سیز كپی دویمه سی نین یئرینه CTRL+C و پئیست دویمه سینین یئرینه CTRL+V دن ایستیفاده ائده بیلرسیز .
یانی هر زامان بیر یازی ادیتورا پئیست ائتمك ایسته سز CTRL+V دویمه لرین ویرساز ایشیز یئرینه گئدر . داها بیر موشكول اولسا بیزه خبر وئرین .
ساغ اولون
آرزوبلاق