سعید حبیب پور


یازیلار، گونده لیک لر، آرزوبلاق خبرلری

یکشنبه 29 اردیبهشت 1392

یازی لارین گؤروش ساییسی وئبلاقدا

0 گؤروش
پایلاش

سلام عزیز آرزوبلاقچیلار

یازیلارین گؤروش ساییسین وئبلاقدا گؤسترمك اوچون آلتدا كی تگی دوروشوغوزدا یئرلشدیره بیلرسیز :

گؤروشلر : <~PostVisits~>
توجه ائدین كی بو تگ <arzublog></arzublog> بؤلوكونون آراسیندا اولمالیدیر .
اوغورلار smiley21

آردینی اوخو
پنجشنبه 26 اردیبهشت 1392

آرزوبلاق سئروئرینه DDOS یوروش لر

0 گؤروش
پایلاش

بوگون 1392نجی ایلین 2نجی آیینین 27سی ناهار چاغی ساعات 11 دن 5 ساعاتا قدر آرزوبلاق ایشدن توشموشدور.

آرزوبلاقین فنی باشقانلیق قوروپونون دئدیگینه گؤره بو ایشدن توشمه و آچیلماما DDOS آدلی یوروش لرین نتیجه وئرمه سی سببیندن ایمیش. بو یوروش لر تانینمامیش کیمسه لر طرفیندن اولونورموش.
دئدیکلرینه گؤره بو سون بیر آیدا 25 دفعه یه یاخین DDOS یوروشو اولونوب کی 23و نتیجه سیز قالدیقدا آرزوبلاق سیستئمینده موشکول یارادا بیلمه ییب. تکجه بوگون و کئچن هفته آیین 19و گئجه اولونان یوروش لر نتیجه وئردیکده بلاقچیلار آرزوبلاقین آچیلماماسی ایله اوزبه اوز اولموشدورلار.



 DDOS نه دیر ؟
بیر گوجلو سئروئر طرفیندن باشقا سئروئره بیرچاغدا چوخ ساییلی گؤنده ریلن سورغولاردیرلار . بو یوروش لرین آماجی یوروش اولونان سئروئری ظرفیتیندن آرتیق سورغولارلا اوزبه اوز ائدیب نورمال ایشین پوزوب و اونو دایاندیرماقدیر.

آرزوبلاق "تورک بلاقچی لارین چالیشدیغی یئر" کیمی آدلانان گوندن بو یوروش لر و باشقا سالدیریجی یوروش لر آرزوبلاق سئروئرینه دایانیلماز حالدا داوام وئریلیر . باشقانلیق قوروپودا چالیشیرکی بو یوروش لر نتیجه وئرمه دن آرزوبلاق اؤز سئرویس وئرمه سینه داوام وئرسین . آنجاق بو ایشی گؤرمک اوچون بوخاری مالی ضررلری بویونا آلمالیدیرلار.
دئمک ایندی بو یوروش لر دایاندیریلیب و بیر موشکول اولمادان وئبلاق لار و باشقانلیق پنئلی آچیلیر.
سیزه اوغورلار smiley21

آردینی اوخو
سه شنبه 3 اردیبهشت 1392

آرزوبلاق 4 یاشینا گیردی

0 گؤروش
پایلاش

سایین آرزوبلاقچیلار، سیزه سلام لار

آرزوبلاق.کام وئب سیته سی 4ونجو چالیشما ایلینه گیردی.
کئچن ایلده آرزوبلاق سئروئرینین آرتیق گوجلوله شمه سینه چالیشدیق. بیر پارا ایمکان لاردا سیستئمه آرتیریلدی.
دئمک اولار کئچن ایلده گوجلو ایمکان لارین یارادیلماسی اوچون بؤیوک آتدیم لار گؤتورولوبدور؛ و بو یئنی ایلده سون ایشلری گؤرولوب سیز سایقیلی وئبلاقچیلارین ایستیفاده سی اوچون حاضیرلاناجاق.

بورا کیمی وئب سیته نین ساخلانیلان بیلگی لرینه بیر باخاراق :
وئبلاقلار سایی : 1700~
یازیلار سایی : 16000~
باخیشلار سایی : 15000~
گونده لیک بلاق گؤروشلری سایی : 13000~
گونده لیک بلاق ip گؤروشلری سایی : 2000~
قورولان یولداشلیقلار سایی : 1600~

آرزوبلاق وئبلاق یایما سیستئمینی سئچدیگیز اوچون سیزدن تشکور ائدیریک smiley21

آردینی اوخو