سعید حبیب پور

سلام عزیز بلاق چی لار

باشقان لیق پنئلینده آیارلار بؤلوکونه "چاغ تیپی" ایمکانی آرتیریلدی .

بئله کی بوندان بئله سیز وئبلاقیزین گؤستریله جک چاغ تیپینی سئچه بیله جک سیز .

باخیش لاریزی بیزه یازین . ساغ اولون 

اولو تانرینین آدیلا
سلام عزیز آرزوبلاقچیلار

"یازیچیلار" یا ( وبلاگ گروهی ) ایمکانی سیستمه آرتیریلدی .
بو ایمکان ایله سیز وئبلاقیزی نئچه یازیچی ایله دولاندیرا بیله جک سیز .
آنا یارپاق دا گیریش فورمونون ایسته دیگی کاراکتئر لری " وئبلاق ، یازیچی ، پسورد " ا ده ییشیلیب دیر .
سیز باشقان اولساز "یازیچی" نی بوش قویا بیلر سیز. ایندی لیکده بو ایمکان تئست اولونور . بلاق چی لار اونو به یه نسه لر اونون ایمکان لارینی آرتیراجاییق .

باخیش لاریزی بیزه یازین 

سلام

سیز عزیز بلاق چی لارا یورولماسین دئییریك

سایتین آنایارپاغیندا یئنی لیك لر وئریلیب . بئله كی بوندان بئله سون یاییلان وئبلاق لارین یانیندا هر گونون باخیملی وئبلاق لارینین آدی دا گؤرسه دیله جكدیر .

بیر آیری بؤلوك ده ده آذربایجان توركجه سی دیلینده اولان وئبسایت لار تانیدیلاجاقدیر . چوخ ساغ اولون 

سلام عزیز بلاق چی لار

آللاهین قوناقلیق آیی ، اوروشلوق آیی نین گلیب یئتیشمه سینی بوتون موسلمان بلاق چی لارا تبریك دئییریك .

بو گون بلاق لارین 200 مئقا بایت لیق آپلود یئرینه 300 مئقا بایت آرتیریلدی .

ایندی هر بلاق اوچون 500 مئقا بایت یئر وئریله جك . ساغ اولون

هر زاددان قاباق بو اوزون یازییا گؤره عذر ایسته ییریك .

بیر ایل نئچه آی آرزوبلاقین آچیلماسین دان گئچیر . ائله بیر یاواش یاواش تورك بلاق چی لارینین یازی یازماغی بیر سیرا اینسان آدلانان كیم لری قورخویا سالیر !

سایتین 24 ساعات لیق باغلی اولماسینین دلیلی سایبر یوروش لری D-DOS اولماق اوچون ایمیش .

D-DOS ائله مك نئچه مین بیلگی سایاردان بیرلیكده و یالان یئره سروره درخواست گؤنده رمك دیر .

بو یوروش لرده بلاق چی لارین یازی لارینا و اؤزئل ایطلاعاتینا هئچ موشكول یارانماز .

بو یوروش لرین آماجی سایتی آغیرلادیب فیشار آلتیندا قویوب سورعتین آزالدیب و نهایت ده باغلاددیریب و یا سروری یاندیرماق دیر .

البته كی بلاق چی لارین یازی لاری و ایطلاعاتیندان گونده لیك بك آپ آلینیر و بونا گؤره ده هئچ بیر موشكول یوخدور .

آمما سؤز یئتیشیر بورا كی نئیه گرك بئله بیر ایش گؤروله ؟! ایستك لری نه دیر ؟! سروری نئچه ساعات لیق باغلادیب بلاق چی لاری بو ایشدن سوستالتماق ؟! سروری یاندیریب ، یوز لر بلاقچی نین زحمتینی هئچ ائله ییب ، سایتین باشقان لارینا ضرر وورماق ؟!

حال بوكی نه بلاقچی لار سوستالان دیرلار نه ده باشقان لار بو ایشدن ال چكن دیرلر .

ساغ اولون

اولو تانرینین آدیلا 

ویلایت گؤیونون 12نجی پارلاق اولدوزو ، مهدی (عج) ین دوغوم گونونون ایل دؤنومونو سیز عزیز بلاق چی لارا تبریک دئییریک . 

بو عزیز بایرامین بایرام لیغی بلاق چی لار اوچون یئنی بیر ایمکان دیر .

"سورغو" یا ( نظرسنجی ) ایمکانی سیستمه آرتیریلدی .

سیزه 10 سورغونون یارادما ایمکانینی وئریر ، بو سورغولاردان بیرینی وئبلاقدا گؤروشمک اوچون سئچه جک سیز .

سورغونون باشلیقی و پیام لارینی ایسته دیگیز زامان ده ییشه بیله جک سیز .

جواب لاری ایسته دیگیز شکیل ده دوزه بیله جک سیز .

سورغو نون نتیجه سینی گؤزل شکیلده داشبورد دا دا گؤره جک سیز .